jueves, 14 de septiembre de 2017

APRENDER A PENSAR COA BIBLIOTECA ESCOLAR



" Aprender a pensar coa Biblioteca Escolar" é o lema escollido para os materiais que a Consellería de Cultura, Educación e Ordenación Universitaria edita a comezos do curso 2017/18 con destino ás Bibliotecas Escolares dos centros educativos galegos. 
O ilustrador Xosé Tomás  foi o encargado de realizar a interpretación gráfica do lema anual.
Unha biblioteca escolar integrada, no día a día do centro educativo, supón unha oportunidade única para axudar a nenas e nenos a desenvolver o seu pensamento crítico a  "aprender a pensar"

BENVIDOS






O   equipo da biblioteca deséxalle a toda a comunidade educativa unha feliz benvida a un novo curso. Esperamos inicialo todos con moita enerxía, ánimo e esforzo para seguir aprendendo.
Coma sempre esperamos que entre todos fagamos da biblioteca non só un lugar onde ler, senón tamén un espazo onde poidamos aprender e compartir unha chea de aventuras e cousas novas.
Desexámosvos un curso cheo de marabillosas lecturas !!!
Esperamos ter todo preparado no mes de outubro para que poidades disfrutar de todo o que vos temos preparado.
Empezamos con este video que nos explica por que é importante saber ler:



Hai moitas razóns para ler , cal é a vosa??



viernes, 30 de junio de 2017

FELICES VACACIÓNS

O Equipo da biblioteca  deséxalle a toda a Comunidade educativa unhas felices vacacións, que sigades o noso consello deste verán: Que vos mergulledes nun mar de libros e que experimentedes marabillosas aventuras a través da súa lectura.
Nós voltaremos en setembro con novos proxectos ,  actividades  e novas lecturas coas que disfrutaremos de momentos inesquecibles.




 FELIZ VERÁN A TODOS!!! 

viernes, 23 de junio de 2017

DIPLOMAS E AGASALLOS

Lectores, o curso xa está rematando!!  O equipo da biblioteca  quere agradecer a todos os colaboradores o traballo realizado e a todos os lectores o seu interese e prticipación nas actividades.
Unha boa  forma de rematar o curso é otorgando os diplomas e agasallos  aos axudantes,  colaboradores e aos grandes lectores.



Agradecemos aos nosos axudantes o traballo prestado: colocación de libros, atender o Bibliopatio, o Quioscopatio... Moitas grazas rapaces, sen a vosa colaboración sería imposible desenvolver todo o traballo!!!




Tamén recibiron diplomas e gasallos as tres nenas que mais colaboraron  no desenvolvemento das actividades; realizaron sesións de contacontos, traballaron en todosos obradoiros. 
Moitas grazas pola vosa axuda!!!

Os grandes lectores recibiron un diploma


Os tres mellores  lectores de todo o cole foron obsequiados cun diploma especial e cun  libro de agasallo




PARABÉNS  PARA:

Yoel (2ºEP)-  3º lugar
Víctor (5º EP)-2º ñugar 


E para a nosa  gran campiona:
ANTÍA (5º EP) - 1º lugar


FELICES VACACIÓNS A TODOS!!!




martes, 20 de junio de 2017

SESIÓN DE CONTACONTOS


As alumnas de 5º de primaria, Isamar, Ariadne e Rosana, para completar o proxecto  do espazo desenvolvido polos alumnos de 6º de infantil,  adaptaron o libro Lola quiere ir a la luna e contáronllo aos nenos coa técnica do  kamishibai  na  biblioteca do centro.
Os nenos de infantil quedaron abraiados coas imaxes elaboradas por estas alumnas, escoitaron o conto con moito interese e ao rematar deixaron voar a súa imaxinación e narraron como sería a súa viaxe a luna, viaxe que van plasmar mediante dibuxos nunhas plantillas que lles repartiron as nenas.
Se queredes saber mais cousas desta técnica picade no seguinte enlace: kamishibai







contacontos lola quere ir a lua

Foi unha actividade moi interesante!!!

sábado, 17 de junio de 2017

ESTE VERÁN ...MERGÚLLATE NUN MAR DE LIBROS

Xa chegaron as vacacións!!!! O momento que estabamos esperando para descansar e disfrutar das ondas do mar, dos baños na piscina, dos paseos pola montaña e de gozar coa lectura dun libro! Na piscina, no coche, no tren; as boas temperaturas e as vacacións fan que calquera lugar se poida converter nun escenario ideal para mergullarnos no universo da lectura. A dúbida só pode ser  unha, que libro ler? Para axudarte nesa elección o equipo da biblioteca fixo a seguinte selección de libros para toda a familia para que este verán  todos vos mergulledes nun mar de libros!!!!
Esperamos que sexa do voso agrado!!!

jueves, 1 de junio de 2017

DICIONARIO DE METEOROLOXÍA

Unha das actividades programadas este curso no que desenvolvemos o proxecto de METEOESCOLAS: MOITO OLLO AO METEORO!!! foi a elaboración dun dicionario de termos relacionados coa meteoroloxía. Cada curso, dende infantil ata a primaria, encargouse da definición en galego de varios termos, acompañado cada un deles dun debuxo ou imaxe relativa ao mesmo e expresado nas tres linguas que estudamos no centro: galego, castelán e inglés. 
Unha vez que cada aula rematou o seu traballo, fixemos a recopilación de todos e xa temos aquí O NOSO DICIONARIO DE TERMOS METEOROLÓXICOS. Dicionario que iremos completando ao longo de vindeiros cursos e que de momento xa conta con 45 termos definidos. Parabéns a todos polo estupendo traballo realizado!!



domingo, 28 de mayo de 2017

LETRAS GALEGAS 2017

Ao longo deste mes de maio, mes das LETRAS GALEGAS e do TEATRO no noso centro, estivemos realizando distintas actividades nas aulas para resaltar a figura de CARLOS CASARES, como todos sabedes, autor ao que se lle adica este ano o DÍA DAS LETRAS GALEGAS.
Reseñamos algunhas delas:

A GALIÑA AZUL VISTA POLO ALUMNADO DE EDUCACIÓN INFANTIL

- Os pequenos e pequenas de 3 anos plasmaron plasticamente o famoso conto nun mural realizado coas pegadas das súas mans.


- Un LAP-BOOK sobre Carlos Casares e sobre a galiña azul, foi realizado polos nenos e nenas de 4 anos, que desta maneira tan gráfica, expresiva e divertida aprenderon un montón de cousas sobre o autor e a súa obra.





CARLOS CASARES, VIDA E OBRA
Os alumnos e alumnas de 6º de primaria, remataron as actividades realizadas cun mural onde resumiron a vida e obra do escritor ourensán e fixeron caligramas a partir dalgúns dos seus poemas. 



AS LARANXAS MÁIS LARANXAS DE TÓDALAS LARANXAS 

Se os pequenos do cole traballaron sobre o libro A GALIÑA AZUL, os maiores centráronse na obra de teatro AS LARANXAS MÁIS LARANXAS DE TÓDALAS LARANXAS que Casares escribiu para o público infantil. 
Os rapaces e rapazas de 5º e 6º de primaria realizaron un obradoiro para preparar dita obra de teatro e representala con teatriño de monicreques. 
Ademais dos ensaios propios que require toda obra representada, realizaron as marionetas en papel. 






O 19 e o 22 de maio culminamos estas actividades coa celebración dun festival adicado a nosa lingua, onde a representación de "As laranxas máis laranxas de tódalas laranxas" co teatriño de marionetas foi toda unha novidade e un éxito. 
Na seguinte presentación podedes ver un resumo en imaxes das actuacións de todos os nenos do cole, que unha vez máis nos demostraron as súas habilidades como artistas (cantantes, bailaríns, actores, actrices...)
                                                                                   

domingo, 14 de mayo de 2017

UN RECREO DE LIBROS

Unha proposta da BIBLIOTECA  para ofrecer alternativas no recreo, ao día sen balón, foi a de abrir o  quiosco do patio.
Para acercar e incentivar a lectura entre o alumnado de primaria dous axudantes abrirán e atenderán, todos os mércores na hora do recreo, o quiosco do patio que está cheo de comics e revistas de diferentes tipos (deportivas, científicas, de pasatempos,,) para que todos os nenos poidan relaxarse e disfrutar dunha boa lectura.
Foi unha actividade moi ben acollida por todo o alumnado, foron moitos os que pasaron o recreo sentados sós o en grupo para disfrutar da lectura.


Nieves Rodriguez de Slidely by Slidely Slideshow